逐件收費

按照客人所講每件物品的種類及大小(如﹕紙箱、傢俱、電器等)去訂價，通常搬屋公司都接受增加/減少物品數量，價錢會再作調整，此報價方式容較易理解。

按呎價收費

按照客人單位既大小來訂價，通常搬屋公司已經預設左不同呎價內大約出現的傢俱種類及物品數量而定落大概價格範圍，對於家居偏簡約既客人，此報價方式可能會較貴。

按車收費

按照客人全部要搬既傢俱及物品所佔用貨車既空間（通常以1/4車、1/2車、3/4車及全車來）而定價，通常搬屋公司以估算為主，至於貨車既空間點樣劃分，物品係點樣擺放，都會令收費有變化，此報價方式容易起爭議。

綜合報價

按照客人既傢俱及物品數量，安裝、拆卸及棄置物品既時間，搬運既地方同所需既人手而定，通常搬屋公司需要客人提供更多既資料，越清楚，報價就越準確。此報價方式需要足夠溝通亦較易接受。

明朗搬運一直採用綜合報價方式為客人服務。

無論係邊種既報價方式，我地建議客人都要注意以下細節﹕

1. 盡量細仔講出搬屋既物品
2. 盡量講清楚需要安裝、拆卸及棄置既物品
3. 問清楚有冇其他額外收費（隧道費、泊車費、樓梯費，平台搬運費等）
4. 講清楚新舊單位是否方便停車場、要否途經平台